Košarkaši Partizana ubjedljivo pobijedili Borac u Čačku

ČAČAK – Košarkaši Partizana pobijedili su večeras Borac 86:68 u Čačku u šestom kolu regionalne ABA lige.

Crno-beli su bez velikih problema zabilježili šestu pobejdu u takmičenju, dok su Čacani sada na učinku od dvije pobjede i četiri poraza.

Najefikasniji u pobjedničkom timu bio je Zek Ledej sa 14 poena i četiri skoka, jedan manje ubacio je Alen Smailagić, koliko je imao i Jam Madar.

Po 10 koševa ubacili su Rodions Kuruc i Rade Zagorac.

Klikni na "like" i pridruži nam se na Facebooku

U ekipi Marka Marinovića najbolju rolu imao je Sava Lešić sa 14 poena, a Marko Pecarski je dodao 13.

Trener Partizana Željko Obradović ovacijama publike dočekan je u rodnom Čačku, u kom je prvi put vodio neki tim u takmičarskoj utakmici.