Siti doživio prvi poraz, Liverpul uzeo skalp šampionu

Liverpul je savladao Mančester Siti rezultatom 1:0. Salah je savladao Edersona u jedan-na-jedan nakon što mu je golman ranije skinuo zicer u sličnoj poziciji, prije nego što je Jirgen Klop dobio crveni karton.

Liverpul se ne može takmičiti sa Sitijem, tvrdio je Klop.

I više od 38 utakmica ove sezone, možda je u pravu, s tim da razlika i dalje stoji na 10 bodova. Ali tokom 90 grozničavih, fantastičnih minuta, Liverpul je prekinuo neporaženi start prvaka, ponudivši podsjetnik zašto je “Ajnfild” i dalje bauk za Pepa Gvardiolu, a Klop njegov najteži protivnik.

“Crveni” su od svog najlošijeg starta sezone pod njim došli do svoje najbolje partije od aprila uz briljantnu, blistavu igru.

Bez obzira na finansijsku razliku između njih i “Građana” koju je Klop spomenuo u petak, pokazali su da ih mogu poraziti na terenu.

Klikni na "like" i pridruži nam se na Facebooku

Nije bilo kompleksa manje vrijednosti tamo gdje je bilo najvažnije.

Čak je i način pobjednika bio izvanredan, golom koji je namjestio golman. Alison već ima asistenciju protiv Mančester Junajteda. Dodao je jedan protiv Sitija dugim pasom koji je bio vrhunske preciznosti, izbacivši većinu igrača iz igre i pronašavši Salaha.

Žoao Kanselo je ispao naivan i nije uspio zaustaviti Egipćanina koji se našao oči u oči sa Edersonom i savladao ga.