Geri Kejhil okončao igračku karijeru

Bivši engleski fudbalski reprezentativac Geri Kejhil, saopštio je danas da je odlučio da završi igračku karijeru.

“Postigao sam stvari o kojima sam nekada sanjao, stvorivši nevjerovatne uspomene. Fudbal je igra koja mi je pružila toliko uživanja i uspjeha i dok donosim odluku da okačim kopačke o klin, mogu iskreno da kažem da sam mu dao sve što sam imao”, napisao je Kejhil na društvenim mrežama.

Kejhil (36) je karijeru počeo u Aston Vili, a potom je igrao za Barnli, Šefild junajted, Bolton, Čelsi i Kristal Palas, a posljednji angažman imao je u Bornmutu. koji je napustio na kraju prošle sezone.

Kejhil je najveći trag ostavio u Čelsiju, a sa londonskim klubom osvojio je osam trofeja, uključujući i dvije Lige šampiona.

Klikni na "like" i pridruži nam se na Facebooku

“Proveo sam 20 godina trenirajući svaki dan, trudeći se da budem u najboljoj mogućoj formi za dan utakmice kako bih pomogao timovima za koje sam igrao da budu uspješni… Poslije mnogo razmišljanja, osjećam da je sada vrijeme da pređem na sljedeću fazu svoje karijere”, dodao je Kejhil.

Za reprezentaciju Engleske odigrao je 61 meč i postigao je pet golova. Za nacionalni tim je igrao na SP 2014. i 2018, kao i na EP 2016. godine.